YMUNWCH Â’N HYMGYRCH PARTNERIAETH
18 – 24 Medi 2023 gyda gweithgareddau hyrwyddo yn cael eu cynnal trwy gydol y mis
Ymunwch â phartneriaeth yr ymgyrch a byddwch yn rhan o ymdrech gydweithredol fawr i gyrraedd rhagor o bobl ar draws Cymru gyda gwybodaeth, cyngor a chyfleoedd i roi cynnig ar ddysgu rhywbeth newydd.
Er mwyn gwneud 2023 hyd yn oed yn fwy llwyddiannus, mae arnom angen eich cefnogaeth i hyrwyddo cyfleoedd dysgu gydol oes.
Ymunwch â’n rhwydwaith o bartneriaid
Gyda’n gilydd gallwn greu mwy o welededd a momentwm ar gyfer dysgu gydol oes yng Nghymru ac ysbrydoli mwy o oedolion i symud ymlaen a llunio gwell dyfodol.
Rydym am weithio gyda chi:
-
- Hyrwyddo eich darpariaeth ac ymgysylltu â chynulleidfaoedd newydd a’ch rhai cyfredol trwy gynnig cyfleoedd i ddysgu
- Cysylltu pobl yng Nghymru i gael cymorth gyda’u hiechyd a’u llesiant a chyfleoedd dysgu a chyflogaeth.
- Bod yn rhan o ymgyrch partneriaeth ledled Cymru sy’n eiriol dros ddysgu gydol oes
- Rhannu storïau positif a fydd yn ysbrydoli eraill i gymryd rhan mewn dysgu gydol oes
Sut i gymryd rhan:
Cynllunio a chyflwyno sesiynau blasu ar-lein neu bersonol, gweithgaredd allgymorth, cyrsiau, digwyddiadau arbennig. Llwythwch nhw i wefan ein hymgyrch a byddant yn cael eu hyrwyddo fel rhan o weithgarwch amlgyfrwng a chyfathrebu Llywodraeth Cymru. Edrychwch ar y cynnwys presennol sydd wedi’i uwchlwytho i’r calendr.
Dathlwch gyflawniadau rhyfeddol pobl sydd wedi cyrchu eich darpariaeth; amlygu manteision dysgu a sut mae wedi trawsnewid eu bywydau. Bydd rhannu straeon llwyddiant yn rhoi hyder i bobl eraill ddarganfod effaith newid bywyd addysg oedolion.
Mae Wythnos Addysg Oedolion yn gyfle gwych i gyfeirio eich gwybodaeth, cyngor ac arweiniad. Hyrwyddo eich darpariaeth ddysgu newydd a phresennol i oedolion a’r llwybrau sydd ar gael iddynt ailhyfforddi, uwchsgilio, meithrin cysylltiadau cymdeithasol a chefnogi iechyd a lles. Rhannwch wybodaeth yr ymgyrch gyda’ch dysgwyr, hybiau, grwpiau cymunedol, staff a rhwydweithiau ehangach.
Ymunwch â’r sgwrs ar-lein i hyrwyddo a chodi ymwybyddiaeth o’r Wythnos Addysg Oedolion. Dilynwch ni ar y cyfryngau cymdeithasol a thagiwch ni yn eich gweithgaredd ymgyrchu, gan ddefnyddio’r dolenni a’r tagiau: Twitter, Instagram, Facebook, LinkedIn #paidstopiodysgu ac #addysgoedolioncymru.
Codi proffil dysgu oedolion ac amlygu beth arall y gellir ei wneud i ehangu mynediad i ddysgu a sgiliau i oedolion. Rhannwch eich polisi a’ch ymchwil, lansiwch gyhoeddiad neu ysgrifennwch ddarn erthygl ar y blaenoriaethau a’r blociau adeiladu sydd eu hangen i wneud Cymru’n genedl ail gyfle – beth yw’r rhwystrau presennol ac yn yr un modd, beth yw’r llwyddiannau?
Mae llafar gwlad yn arf pwerus ac yn gatalydd i lawer o bobl sy’n chwilio am gyfeiriad a llwybr newydd mewn bywyd. Gweithiwch gyda’ch eiriolwyr dysgu i drefnu digwyddiad yn eich cymuned neu ganolbwyntio ar weithgaredd llais y dysgwr i ysbrydoli pobl eraill i gymryd y cam cyntaf.
Gall Dysgu a Gwaith eich helpu gyda’r canlynol:
- Sefydlu cyfrif darparwr ar wefan Wythnos Addysg Oedolion
- Hyrwyddo eich gweithgareddau am ddim drwy ein calendr digwyddiadau ar-lein gan gynnwys gwefan Cymru’n Gweithio fel rhan o ymgyrch amlgyfrwng Llywodraeth Cymru
- Darparu pecyn offer ymgyrch Wythnos Addysg Oedolion i’ch sefydliad
- Hyrwyddo eich gweithgaredd Wythnos Addysg Oedolion trwy sianeli Sefydliad Dysgu a Gwaith
- Gweithgaredd traws-hyrwyddo ar gyfer Wythnos Addysg Oedolion
Lawrlwythwch ein pecyn cymorth ymgyrchu i gymryd rhan
Sut i gofrestru eich gweithgareddau ar gyfer yr ymgyrch:
Os ydych chi wedi cyflwyno rhaglen ar gyfer Wythnos Addysg Oedolion yn flaenorol a bod gennych chi gyfrif yn barod, mewngofnodwch i gofrestru eich digwyddiadau, gallwch edrych ar ein tudalen darparwyr i weld a oes gennych gyfrif gyda ni.
Os ydych yn newydd i Wythnos Addysg Oedolion, lawrlwythwch a llenwi ffurflen yr ymgyrch a’i dychwelyd at y Sefydliad Dysgu a Gwaith trwy e-bost: alwevents@learningandwork.org.uk.
Os hoffech chi gael rhagor o wybodaeth am yr ymgyrch neu os oes arnoch angen cymorth gyda’ch cyfri, cysylltwch â ni: alwevents@learningandwork.org.uk
Yr hyn y mae darparwyr Wythnos Addysg Oedolion yn ei ddweud…
“Mae Wythnos Addysg Oedolion bob amser wedi bod yn ffordd o ddangos ein cefnogaeth i’r gymuned dysgu oedolion ehangach yng Nghymru a thu hwnt, a’n cyfranogiad ynddi. Mae ein gwaith yn ymwneud ag ennyn diddordeb ac ail-ymgysylltu pobl sy’n gweithio i ddatblygu eu sgiliau ar gyfer gwaith, ond hefyd eu gwybodaeth ehangach a’u cariad at ddysgu. Mae bob amser wedi rhoi cyfle i UNSAIN chwarae ei ran yn y gymuned dysgu gydol oes.”
Providers testimonials 1
“Yn bendant – ymunwch. Nid yn unig mae’n llawer o hwyl, ond mae hefyd yn dod â chyfoeth o brofiadau gwahanol i’ch sefydliad ar bob lefel. Byddwch yn gallu chwarae rhan i ddatblygu pobl a chyfoethogi eu bywydau a theimlo’n fodlon fel sefydliad eich bod wedi darparu’r gris cyntaf ar yr ysgol. Mae’r cyfan yn gadarnhaol iawn.”
Providers testimonials 2
“Fe wnaethon ni fwynhau’r cyfle i ymgysylltu ag ALW am y tro cyntaf, i wella ein cysylltiadau â’r gymuned ehangach a datblygu cynnwys pellach i gefnogi ein teulu hyfforddi. Roeddem wrth ein bodd â’r cyfle i ymgysylltu â chyfleoedd ar-lein ac yn ymarferol.”
Providers testimonials 3
“Hoffai tîm Unite WULF ddiolch yn fawr iawn i bawb a helpodd i wneud ein dathliadau Wythnos Addysg Oedolion yn llwyddiant, gan gynnwys ein tiwtoriaid, dysgwyr a phawb a helpodd i ledaenu’r gair. Daeth dros 400 o ddysgwyr i’n gweithgareddau! Hollol anhygoel – yr adeg yma llynedd roedden ni’n cael trafferth eu cael nhw i gwblhau cofrestr ar-lein. Erbyn hyn maen nhw’n cyflwyno dosbarthiadau ar-lein.”
Providers testimonials 4
“Byddem yn bendant yn hoffi cymryd rhan eto gan fod y digwyddiad yn llwyddiant ysgubol a mwynhaodd y dysgwyr ymweld â’r ganolfan newydd, rhoi cynnig ar gyrsiau newydd a chwrdd â thiwtoriaid. Mae hyn wedi rhoi’r hyder iddynt gymryd rhan mewn cyrsiau ac rydym eisoes wedi cael ychydig o ddysgwyr o’r diwrnod yn cofrestru ar gyfer cyrsiau a ariennir gan ACL.”
Mae Wythnos Addysg Oedolion yn ymgyrch flynyddol a drefnir mewn partneriaeth â Llywodraeth Cymru. Mae’n ymdrech ar y cyd i rannu’r neges am ddysgu gydol oes.
Rydym am ysbrydoli pobl i chwilio am gyngor ac arweiniad am y cyfleoedd sydd ar gael i uwchsgilio, i wella eu hyder a’u llesiant, i ffynnu yn eu gyrfaoedd a datblygu cariad at ddysgu trwy gydol eu hoes.
Yn flynyddol rydym yn gweithio gydag amrywiaeth o bartneriaid i gynllunio a chyflawni amrywiaeth o sesiynau blasu, cyrsiau byr, dyddiau agored, gwybodaeth a chyngor a digwyddiadau arbennig ar-lein ac yn bersonol i ddathlu addysg oedolion.
Ers lansio’r llwyfan hwn rydym wedi adeiladu ar ein partneriaethau ymgyrchu gyda dros 150 o ddarparwyr cofrestredig, dros 330,000 edrychiad tudalen, a 54,000 o ddefnyddwyr wedi ymweld â llwyfan yr ymgyrch.