Play Wales

Deall gwaith chwarae – gweminar Chwarae Cymru

Mae’r weminar hon, sy’n awr o hyd, yn cael ei chynnig i unrhyw un yng Nghymru sydd â diddordeb mewn hyfforddiant neu gymwysterau gwaith chwarae fel rhan o Wythnos Addysg Oedolion, sy’n cael ei chynnal rhwng 9 a 15 Medi.

Mae Cymru – Gwlad Lle Mae Cyfle i Chwarae, sef canllawiau statudol Llywodraeth Cymru ar asesu a darparu cyfleoedd chwarae digonol, yn cydnabod pwysigrwydd gweithlu â’r sgiliau priodol o ran y rhai sy’n gweithio wyneb yn wyneb â phlant yn ogystal â’r rhai y mae eu gwaith yn effeithio ar y lleoedd y mae plant yn chwarae ynddyn nhw.

Bydd y weminar yn cynnig cyfle i:

• ddeall mwy am wybodaeth a sgiliau gwaith chwarae a’i bwysigrwydd i unrhyw un sy’n gweithio gyda phlant

• cael rhagflas o Dewch inni siarad am chwarae – ein cwrs hyfforddiant diweddaraf sydd wedi’i ardystio

• cael trosolwg o’r hyfforddiant a’r cymwysterau gwaith chwarae sydd ar gael yng Nghymru

• ystyried y ffordd orau o gael hyfforddiant a chymwysterau gwaith chwarae ledled Cymru.

Mae’r weminar yn cyfuno cyflwyniadau byr, gwaith mewn grwpiau bach, trafodaethau grŵp cyfan a gweithgareddau a gemau cyfranogol, creadigol.