Digwyddiad Blasu Gweithdy Dove

Digwyddiad cymunedol am ddim ddydd Mawrth, 23 Medi yng Nghanolfan Gymunedol Banwen, yn cynnig diwrnod hwyliog a diddorol i drigolion lleol a theuluoedd wrth dynnu sylw at yr ystod eang o gyfleoedd dysgu i oedolion sydd ar gael trwy Weithdy Dove.

Yn rhedeg o 10 am i 3 pm, mae’r digwyddiad yn ymdrech gydweithredol rhwng Gweithdy Dove, Dysgu Oedolion Cymru, Powys, Dysgu Oedolion Castell-nedd Port Talbot a Grŵp Colegau NPTC. Ei nod yw arddangos yr amrywiaeth o gyrsiau sydd ar gael a rhoi cyfle i ymwelwyr roi cynnig ar weithgareddau trwy sesiynau blasu ymarferol.

Bydd gweithgareddau ar y diwrnod yn cynnwys rhagflas mewn:
• Celf
• Pyrograffeg
• Sgiliau digidol
• Ffotograffiaeth
• Iaith Arwyddion Prydain (BSL)
• Cerfio llwyau caru Cymreig
• Rhifedd a llythrennedd

Yn ogystal ag archwilio’r hyn sydd ar gael i oedolion, anogir teuluoedd hefyd i ymuno a mwynhau lluniaeth am ddim, fan hufen iâ, a gweithgareddau i blant, gan gynnwys peintio wynebau.