Noson Agored Addysg Oedolion ym Mharc y Scarlets

Dewch i ddarganfod sut y gallai Addysg Oedolion yng Ngholeg Sir Gâr eich helpu i uwchsgilio, datblygu hobi newydd, gwella eich busnes neu hyd yn oed newid gyrfaoedd.

Darganfyddwch ystod eang o gyrsiau byr wedi’u cynllunio ar gyfer oedolion sy’n dymuno uwchsgilio, newid gyrfaoedd, neu ddilyn diddordebau personol.

Gydag opsiynau hyblyg fel gweithdai 1 diwrnod, dosbarthiadau nos, ac astudio rhan-amser, mae’r cyrsiau hyn yn ei gwneud hi’n hawdd i ddysgu ar eich telerau eich hun.

P’un a ydych am wella’ch sgiliau busnes, meistroli technoleg newydd, neu archwilio gweithgareddau creadigol, mae yna rywbeth i weddu i’ch anghenion.

Dewch i siarad â’n staff cyfeillgar am eich opsiynau ac i drafod yr opsiynau cyllid sydd ar gael.

Dydd Iau 24 Medi – 5:30pm tan 7:00pm

Mae cyrsiau ar gael gennym yn y meysydd canlynol:
– Gwella Busnes – O gymwysterau Sgiliau Gwyrdd a Rheoli Prosiectau i Ddylunio Graffig ar gyfer Busnesau Bach a Chanolig (SME)
– Sgiliau Digidol – O ddysgu am Office Suite a magu hyder gyda Deallusrwydd Artiffisial (AI) i rwydweithio a dadansoddi data
– Sgiliau ar gyfer Diwydiant – O Amaethyddiaeth i Astudiaethau Modurol, dysgwch sgiliau sy’n benodol i ddiwydiant
– Gofal a Chymorth Cyntaf – O gyrsiau ar gyfer gofalwyr i hyfforddiant Cymorth Cyntaf ac Iechyd a Diogelwch
– Mynediad i Addysg Uwch a Chyrsiau Gradd Rhan-amser
– Addysgu ac Addysg – O gyrsiau TAR a Chymorth Dysgu i gymwysterau Aseswr
– Celf a Dylunio – O Gerameg a Ffotograffiaeth i Luniadu’r Byw a Gwau â Pheiriant

Ar gyfer hyn oll a mwy, rhowch gipolwg ar ein hystod lawn o gyrsiau byr a chyfleoedd addysg oedolion ar-lein.