Rheoli’r Menopos ar Gyllideb Dyn (ar-lein)

Mae Rheoli’r Menopos ar Gyllideb Dyn yn sesiwn gefnogol am ddim a gynlluniwyd i wneud gwybodaeth am y menopos yn glir, yn ymarferol ac yn hygyrch. Mae llawer yn wynebu heriau wrth lywio’r perimenopos a’r menopos heb fawr o arweiniad, a all effeithio ar hyder, lles, perthnasoedd a chyfranogiad ym mywyd bob dydd. Mae’r heriau hyn yn arbennig o anodd i’r rhai sydd ar incwm isel.

Mae’r sesiwn hon yn mynd i’r afael â rôl stigma tlodi fel rhwystr i gael mynediad at gymorth. Mae’n cynnig gwybodaeth sy’n seiliedig ar dystiolaeth, yn chwalu mythau cyffredin, a bydd yn rhannu strategaethau syml a fforddiadwy ar gyfer rheoli symptomau. Bydd hefyd yn tynnu sylw at y cysylltiadau pwysig rhwng y menopos, iechyd meddwl a phwysau ariannol, gan greu lle diogel ar gyfer trafodaeth agored.

Bydd cyfranogwyr yn:

Ennill strategaethau ymarferol i reoli symptomau
Meithrin hyder wrth ddeall a siarad am y menopos ac am dlodi
Dysgu am wasanaethau lleol, cymorth i wneud y mwyaf o incwm ac adnoddau lles
Cysylltu ag eraill mewn lleoliad cymunedol cefnogol.
P’un a ydych chi’n profi’r menopos eich hun neu’n cefnogi rhywun arall, bydd y digwyddiad hwn yn rhoi’r wybodaeth a’r offer i chi deimlo’n fwy mewn rheolaeth – beth bynnag fo’ch cyllideb.